Mashruuca – Olika men lika 

Olika men lika waa mashruuc 3-sano  ah oo uu maalgeliyey sanduuqa dhaxalku  olika men lika waxaa wada ABF Malmö oo ay weheliyaan ururka Tahrir. Waxaanu ugu horeyn ka shaqeynaa Malmö, laakiin sidoo kalena Skåne iyo Iswiidhanba.   

Maanta dadka naafada ah/karaankoodu dhimman yahay ee aan ku fiicnayn luqadda iswidhishka lagama qayb geliyo qaybo badan oo ka mid ah bulshada Iswiidhishka. Tusaale ahaan, inta badan ma helaan fursad, ama xitaa aqoon, si ay u helaan taageerada ay xaqa u leeyihiin.  

Mashruuca olika men lika ayaa ujeedadiisu tahay inuu soo saaro qaabab, qalab iyo xeelado si aynu ugu soo dari karno dadka naafada ah oo aanay luuqaddooda hooyo ahayn luuqadda iswidhishka, si ay shuruudo isku mid ah uga qayb qaataan bulshada.   

Furaha lagu gaari karo taas waa habka aanu ugu yeerno caddaaladda luqadda. Kaas oo naga caawinaysaa in aanu falanqayno sida caqabadaha adag ee luuqaddu ku abuurmaan una sii jiraan. Iyadoo loo marayo hab kale, ka qaygelinta ka qaybqaatayaasha, waxaanu ku maalmarinaynaa cadaaladda luuqadda farsamo ahaan annagoo siinayna kooxda ay khusayso waxay ay dhab ahaantii dalbanayaan: in si la taaban karo looga caawino xaaladdooda, inta badan waxay ku wajahan tahay hay’addaha, wakhtigan xaadirka ah la joogo.  

Taas macneheedu waxa weeye in aanu wada shaqayn dhaw la leenahay turjubaanada mashruucayaga. Turjubaannadani waxay dadka u sahlayaan inay awoodaan inay wax ku cabbiri karaan luuqadda ay ku qanacsan yihiin inay yaqaanaan. Turjubaanadu waxay u tababaran yihiin inay turjumidda ka feer hadalka ku turjumaan iyo caddaalada luuqadda.   

Mashruucayagu wuxuu qabanqaabinayaa goob lagu kulmo oo wakhtigii la doono la iman karo (drop in), halkaas oo ay jirto fursad uu qofku kula kulmi karo dadka kale ee ay isku xaaladda yihiin. Waxaanu siinaynaa taageero dadka la kulma dhibaatooyinka ku saabsan sidii ay u heli lahaayeen taageerada ay xaqa u leeyihiin marka ay la xiriirayaan hay’addaha iyo ururada kala duwan. Wakhtiga aan ballanta la qabsanayn ee layska imanayo, wuxuu qofku tusaale ahaan, ka heli karaa taageero codsigiisa ku saabsan waxqabadka taageerada ee kala duwan ee la siiyo ama wuxuu heli karaa taageero ku saabsan rafcaan ka qaadasho go’aan.  

Waxa kale oo aanu la shaqaynaa ururo kale oo doonaya inay xidhiidh la sameeyaan hay’addaha iyo siyaasiyiinta si ay awood ugu yeeshaan inay saamayn ku yeeshaan arrimaha la xiriira nidaamyada siyaasiga ah ee qalafsan ee wax lagu maamulo iyo go’aamada ka soo baxa kuwaas oo muhiimad gaar ah u leh dadka naafada ah ee aan ku filnayn aqoonta luuqadda Iswiidhishku.  

Waanu ku soo dhawaynayaa inaad nala soo xidhiidho! Waxaanu annagu u joognaa adiga iyo dadka kale ee sida wadajirka ah u doonaya inay abuuraan fursado badan oo ku saabsan nolol xor ah oo madax bannaan. Nolol shuruudo isku mid ah leh Si wadajir ah ayeynu dadka oo dhan ugu abuuri karnaa nolol ka wanaagsan!  

Ooraah qeexidda

Naafanimo

Naafanimadu waa laxaad la’aanta awoodda jireed, maskaxeed ama mid dhinaca garaadka. Naafanimadu waxay ka dhalan kartaa cudur ama xaalad kale ama dhaawac ku yimi markuu qofku dhalanayey ama ku yimi nolosha goor dambe. (Socialstyrelsen)

Caddaaladda luqadda

Waxay ku saabsan tahay xuquuqa ah inuu qofku maqlo, cabbiro oo lagu fahmo luuqadda uu qofku ku qanacsan yahay inuu yaqaano (Tahrir).

Caqabadaha adag ee luuqadda

Waxaa loola jeedaa caqabadaha jira ama loo sameeyay si ayna dadka aan isku luuqadda ahayn u wada xiriiri karin.

Ka qaybgelidda Ka qaybqaatayaasha

Xaaladdan oo kale waxay macnaheedu tahay in dadka naafada ah ee aan afkooda hooyo ahayn Iswiidhishka, ay mashruuca uga qayb qaadan karaan tusaale ahaan in ay qorshayaan iy oinay fuliyaan hawsha iyo/ama qiimeeyaan. 

Wada-shaqayn

Wada-shaqayn waa marka laba dhinac ama in ka badan ay si wadajir ah u qabtaan hawlo si ay u gaadhaan ujeeddo iyo faa’iido guud.

Turjumid ka feerhadal ah

Turjumaada waxa la fuliyaa isla marka uu qofku hadaka jeedinyaa hadlayo. Qalab aan fiilo lahayn ayaa badanaa loo baahan yahay kaas oo mashruucu nidaaminayo.

Goobta kulanka

Waa meel ay dadku ku kulmaan, waa meel ay dadku si ikhtiyaari ah isugu yimaadaan si qofku bulsho u helo. Goobtaasi waxay noqon kartaa mid dadku si fool ka fool ah u kulmaan iyo/ama mid dhijitaal ahaan lagu kulmo labadaba.

Iska imanaya wakhtiga uu doono (drop in)

Waa meel hawli ka socoto oo uu qofku kula kulmi karo qof meesha ka hawlgala/xirfadle isagoon ballan hore u sii qabsan. Xaaladdan oo kale, waxay ku saabsan tahay in lala kulmo qof khibrad u leh taageerada dadka naafada ah.

Saamayn ku yeelanaya/shaqada saamayn ku yeelashada

Xaaladdan oo kale, waxaanu rabnaa in aanu isku dayno in aanu wax ka beddelno jilaayaasha kale si ay u horumariyaan sida loola dhaqmo dadka naafada ah ee aan ku qanacsanayn aqoonta luuqadda iswiidhishka.

La xiriira

Nidaamyada sharciyada adag ee wax lagu maamulo Waxaa jira xeerar maamula xiriirka u dhexeeya dadka shicibka ah iyo hay’addaha.

Skip to content