Taageerada ka qaybqaatayaasha
Waxaanu la hadlaynaa dadka dareemaya inay caqabad tahay in si isku mid ah loo wajaho bulshada. Miyaad tahay qof naafo ah isla markaana waxaad ku hadashaa luqad ka duwan tan iswiidhishka oo waxaad dareemaysaa inay caqabad ku tahay inaad la kulanto hay’addaha iyo ururada bulshada Iswiidhan? Ma rabtaa in lagu fahmo marka aad ku hadlayso luqadda aad ku qanacsan tahay ku hadalkeeda?
Markaa waxaanu annagu halkan u joognaa in aanu ku taageerno adiga. Kala duwan laakiin isku mid ah waxaanu bixinaa taageerada ka qaybgalayaasha oo dhawr luuqadood ah: Waanu ku taageeraynaa adiga, waxna si wadajir ah ayeynu u samaynaynaa, waxaanu u shaqaynaa lana shaqaynaynaa ka qaybqaatayaashayada. Intaa waxaa dheer, waxaanu ku shaqaynaa dhowr luqadood oo kala duwan sababtoo ah waxaanu rabnaa in qof walba uu dareemo in lagu soo daray hawlaha aanu qabano.
Olika men Lika ayaa qabanqaabinaysa goob kulan halkaas oo aanu ku suurta gelino in aad kula kulanto dadka kale ee ku sugan xaaladaha aad ku sugan tahay oo kale. Halkan waad iman kartaa oo waxaad kula kulmi kartaa dad muxaadiro soo jeedinaya iyo booqdayaal ka kala socda ururo iyo hay’addo kale, waxaad fursad u haysataa inaad ka qaybgasho aqoon is-weydaarsiyo, arrimo kala duwan oo koox kóox ah ama aad ka cabto koob kafee iyo cunto fudud oo keliya . Dadka dhammaantood waa la soo dhawaynayaa, iyadoon loo eegayn naafanimadaada ama luqadda aad ku hadasho!
Macluumaad muhiim ah haddii aad rabto inaad na soo booqato:
Macluumaadka habka aad noola soo xiriiri kartid
Nala soo hadal ama fariin noosoo dir, WhatsApp: 076 111 56 39
Facebook och Messenger: @olikamenlika
Instagram: olika.men.lika
Mónica Gallego – Hogaamiyaha mashruuca (Fasax Waalidnimo ayay ku maqantahay) : monica.gallego@abf.se
Asad Ahmed – Masuulka Maamulka iyo Maareynta: asad.ahmed@abf.se
Anna Bartfai – Masuulka waaxda wada shaqeynta iyo xidhiidhka: anna.bartfai@abf.se
Sofia Quiroga – Masuulka taageerada ka qayb qaatayaasha: sofia.quiroga@abf.se
Sarah Sultani – La shaqeeya waaxda taageerada ka qayb qaatayaasha: sarah.sultani@abf.se
Ooraah qeexidda
Naafanimo
Naafanimadu waa laxaad la’aanta awoodda jireed, maskaxeed ama mid dhinaca garaadka. Naafanimadu waxay ka dhalan kartaa cudur ama xaalad kale ama dhaawac ku yimi markuu qofku dhalanayey ama ku yimi nolosha goor dambe. (socialstyrelsen/aamulka dhexe ee arrimaha bulshada)
Taageerada ka qaybgalayaasha luqadaha badan
Xaaladdan oo kale, waxay macnaheeda noqonaysaa in wax qabadkeena iyo hawlgalada aanu u fidino ka qaybgalayaasha mashruuca inay jiraan oo lagu isticmaali karo luqaddo kala duwan.
Waxqabadka teegeeridda
Waa tallaabooyin aanay dadka oo dhami heli karin, waxay gaar u yihiin dadka buuxiya shuruudaha qaarkood oo leh baahiyo la taaban karo. Waxaa loogu talagalay inay xoojiyaan kartidaada waxqabad ama ay kaa caawiyaan inaad si ka fiican uga bixi karto caqabadaha iyo dhibaatooyinka aad kala kulanto nolol maalmeedkaaga.
Racfaan ka qaadasho
Waa fal uu qofku samayn karo si uu u codsado in arrintiisa dib markale loogu fiiriyo marka aanu qofku ku qanacsanayn go'aan ka soo baxay hay’ad ama xukun maxkamadeed.
Goobta kulanka
Waa meel ay dadku ku kulmaan, waa meel ay dadku si ikhtiyaari ah isugu yimaadaan si qofku bulsho u helo. Goobtaasi waxay noqon kartaa mid dadku si fool ka fool ah u kulmaan iyo/ama mid dhijitaal ahaan lagu kulmo labadaba.
Liisaska u suuro gelinta soo gelida iyo isticmaalka
Taas macneheedu waxa weeye in aanu hayno liisas shuruudo ku qoran yihiin oo ay tahay inuu buuxiyo lookaalka/xarunta aanu ku suganahay ee aanu ka hawlgeleynaa. Shuruudaha ayaa loogu talagalay xaalado gaar ah oo ay tahay in aanu tixgelino si ay dad badani u dareemaan in lagu soo daray oo ay ka qaybqaataan waxqabadyadayada intii suurtogal ah. Iyadoon loo eegayn naafonimada qofka na soo booqanaya uu qabo.
Iska imanaya wakhtiga uu doono (drop in)
Waa meel hawli ka socoto oo uu qofku la kulmi karo qof meesha ka hawlgala/xirfadle isagoon ballan hore u sii qabsan. Xaaladdan oo kale, waxay ku saabsan tahay in lala kulmo qof khibrad u leh taageerada dadka naafada ah.
Oggolaanaya
Oggolaanaya Taas macneheedu waxa weeye inuu qofku oggolaansho bixiyo si hawl loo qabto. Tusaale ahaan, waxaanu la hadli karnaa qaraabadaada keliya haddii aad adigu si cad noogu sheegto in aanu sidaa yeeli karno.
Waafajinta helitaanka
Xaaladdan oo kale, waxay ku saabsan tahay in dhismaha/lookaalka la dayactiray oo lagu rakibay qalab gaar ah si ay u sahlanaato in dad badan gaari karaan ama ay isticmaali karaan.
